« Wa fell-as littkal wayeḍ d lmuḥal»

Tamɛayt n isekla.
Ttalsen-d d akken yiwet n tsekkurt tesɛa arraw-is, tebɣa ad tbeddel tamurt ad truḥ ɣer lḥiǧ.
Tewwi-ten ɣer useklu n uṣefṣaf tenna-yas:
« Ay aseklu uṣefṣaf a d-ǧǧeɣ arraw-iw ɣur-k, si mi ara d-uɣaleɣ si lḥiǧ? »
Yerra-as-d:
« Xati nekk isem-iw aṣefṣaf leɛqel-iw yettwatlaf, tameddit ad nemyekcaf »
Teǧǧa aseklu uṣefṣat truḥ ɣer useklu n wulmu, tenna-yas:
« Ay aseklu n wulmu a d-ǧǧeɣ arraw-iw ɣur-k si mi ara d-uɣaleɣ si lḥiǧ?»
Yerra-yas-d: « Xati nekk qqaren-iyi ulmu, leɛqel-iw yetthummu, tameddit ad nettemlummu »
Truḥ tkemmel abrid-is, temlal d useklu n tezdayt n ttmer, tenna-yas:
« A tazdayt n ttmer a d-ǧǧeɣ arraw-iw ɣur-m, si mi ara d-uɣaleɣ si lḥiǧ? »
Terra-yas-d:
« semman-iyi tazdayt n ttmer lɛerḍ n baba meqqer a nḥellel Rebbi ad aɣ-yester ».
Truḥ tsekkurt ɣer lḥiǧ teǧǧa-d arraw-is imi laman ɣer tezdayt n ttmer, deg imi d-yegra deg wawal
« wa fell-as littkal wayeḍ d lmuḥal»
Aḍris yettwakkes-d seg « Tizi n wuccen », yella-d deg-s cwiṭ maḍi ubeddel.