Ahil n sin wussan n umahil d tajmilt i Dda Ɛebdella Ḥaman
Ass Amenzu 28 / 08 / 2020 deg wexxam n tiddukla Numidya :
Tella-d temlilit akked umaray amatu n useqqamu unnig n timmizɣa Mass Si Lhacemi Assad Akked d iɛeggalen n tiddukla Numidya, anda i d-yella wesqedec n isenfaren i d-yellan gar useggamu akked tiddukla.
Si tama nniḍen yella-d wemtawa akk d twacult n Dda Ɛebdella, i d-iruḥen, ladɣa Tameṭṭut-is, akked d warraw-is, ɣef usufeɣ n tneqqisen n La fontaine i d-isuqel Dda Ɛebdella ar tmaziɣt, d adlis i yessaram a ad iẓer tafat, adlis-agi, adlis-agi uejmeɛ-d 28 tneqqisin, a d-yili s tugiwin icebḥen. Asufeɣ n wedlis-agi d Aseqqamu unnig n timmuzɣa (HCA) i yeskelfen s yes-s d tajmilt-is i Dda Ɛebdella.
Timlilit tekfa s tẓidanin, ttmer d yefki, d ṣṣadaqa ɣef Dda Ɛedbella.
Ass wis-sin 29 / 08 / 2020 deg CRASC n Wehran:
Awal amenzu yella-d sɣur Umaray amatu n Lwilaya n Wehran, d imcegeɛ n Lwali n Wehran, ssyin ar unemhal n CRASC, i yessenṣfen s inebgawen, ma d amaray amatu n HCA, yewwi-d awal deffir usenṣef s inebgawen, ɣef warraz n uselway n tigduda i tira d wesnulfu di tmaziɣt, d izen i d-yewwi weɣmis unṣib (JO n wass 30/08/2020) s ttfaṣil.
-Awal ssyin yella-d sɣur Mass Oulha Yazid ( Amnadi, Aselmad n tesdawit n Mɛesker, d aɛeggal n tiddukla
Numidya, d imkellef n useqqamu unnig n timmuzɣa deg usenfar « TINFUSIN », d asenfar n welqaḍ alamma d asiẓreg n tenfusin s yal tantala tamaziɣt di Lezzayer.
Mass Oulha yewwi-d awal ɣef usenfa-agi, amek i d-ilul, anda yewweḍ, d acu i d iswiyen deffir-s,
Asenfar-agi i d-yebdan amenzu useggas ( Furar 2020), lecɣal leḥḥun, alqaḍ n yeḍrisen yemmed azal 80%, ma d isunaɣ akk tsuqelt n yeḍrisen ara d-yilin ar 05 tutlayin ; taqbaylit, taɛrabt, tafransist, taglizit akked tespenyulit, yemmed ar 13 %.
Yesmekta-d Mass Oulha d akken aḥric n n iɛeggalen n tiddukla Numidya deg uxeddim usenfar-agi : 
d alqaḍ, aleqqem n weḍris, aheggi d uweṣṣef n isunaɣ i ilaqen i yal tanfust, d axuddim uweṭṭuf, mačči d win i isehlen ladɣa imi d s tantaliwin u nessin. Ma s tasuqelt n yeḍrisen, tettili-d sɣur Mass Issad Kacem s tefransist, Mass FOUROUR Abderraḥman s tespenyulit, akked Temsiwt Djebbara s teglizit.
Aḥric usiẓreg a d-yili d tiwizi gar Useqqamu unnig n timmuzɣa HCA, akk d teẓrigin ENAG.
Timlilit tessuli s yiwen uhanu (atelier) n umahil gar iɛeggalen n tiddukla Numidya n d iɛeggalen n useqqamu unnig n timmuzɣa.
