Asewlef d yiwet seg tmeslayin anda tawlaft tettmeslay-d maca s tsusmi lqayen, am akken daɣen i d-teskanay amek iga umaḍal, maca ur tezmir ara ad tbeddel-it, imi teskanay-d kan tilawt-is. Tawlaft d tugna d lemri n wayen akk i tezmer ad twali-t tiṭ, Daya i yeǧǧan tuget n yilemẓiyen ad qeddcen deg taɣult n usewlef (Photographie), Imi ad d-naf tiddukla-ya tefka azal i tewlaft( la photo) i tẓuri (l’art). Tugna mačci d ayen i tettwali tiṭ kan neɣ ayen i d-tessuneɣ tafat ama d imɣi neɣ d aɣersiw d agama, maca d tazrawt yellan deffir i tewlaft, anect-a ala bab-is neɣ asewlaf ara d-isegzin aya, imi yal yiwen amek i ibennu asentel n tugna-s d wamek i as-yefka tamuɣli, akken ad tt-gzun wiyaḍ, ladɣa wid yesɛan tarmit deg taɣult-a n usewlef.
Tiddukla tadelsant aẓuran d ugtugrin Neɣma n Bgayet, theyya-d timyagert tamezwarut n uwlafan ara yilin deg uxxam n yidles n Ṭawes Ɛemruc. Leqdic-a ad yeṭṭef azal n kraḍ n wussan seg 02/05/2019 almi d 04/05/2019.
Azal n semmus n tmerwin (50) n yimttekkiyen, snat n tmerwin d semmus berra i ugezdu n Bgayet, semmus n tmerwin d sin seg waɣir n Bgayet.
Timzikent ad tili s ukuẓ n tewlafin i yal imttekki n taɣult-a, imi yal asewlaf ad d-yefren asentel i as-yehwan.
Ahil n tddukla yella-d d amerkanti, ass 01 deg mayu, d tarmest n yimttekkiyen i d-yerzan berra n ugezdu n Bgayet akked uheyui i temzikent ara yilin ass n 02 deg mayu, deg ubraḥ n uxxam n yidles n Ṭawes Ɛemruc.
Deg wass wis sin, tella-d tnemselt nusewlef ( Workshop en photographie), sɣur Temsileɣt N Usudu Afrensis N Wehran , massa: Nura Zair.
Ma yella d was wis kraḍ, yella-d akked mass: Abdel Belhaddi bab n ustidyu 25 di temdint n Tunes, anda yeɛred ad asen-d-yemmeslay ɣef leqdic “Master Class En Strobisme” d wamek ara ssxedmen titwilin tiwlafanin (technique photographique ) i as-iwatan i ( le strobisme).
Ma yella deg wass aneggaru, ad xedmen tuffɣa tawlafant (Sortie photograhique), d ussuddes n temzizelt deg unnar. Syin akkin tikci n warrazen d tanagin i yemttekiyen.
Ɣer taggara, nessaram ad agten leqdicat yecban wiyi, imi iswi d yiwen, d asemlil n yisewlafen n yigezda, ama sdaxel n tmurt neɣ berra itmurt n Lezzayer. Yal yiwen ad yelmed seg wayeḍ, wa ad mmbadalen tirmitin wagar-asenn(experience) akken ɣer taggara ad tufrar yiwet n tewlaft. Massa: Suniya Aḥfir.
Asewlef iḥerrez iktayen n umdan, ladɣa tatiknulujit seg wasmi temhaz, ṭuqten wallalen n teywalt, d ayen iyeǧǧan tawlaft nettwali-tt s tuget ama di tiliẓri, assussen deg yiɣmisen neɣ deg wayen-nniḍen.