Tafaska n Yennayer 2967 di wehran

Ass Amenzu: 10/01/2017
Asfugel n yennayer di temnaṭ n wehran aseggas-agi yebda ass n 10/01/2017. Ahil d win yebdan deg welmus adelsan Meḥrez lhewwari, d tzeqqa n ssinima LFetḥ.
Timzikkent d tin ara yilin s teɣzi n wussan n tfaska, ad naf deg-s aṭas n tɣawsiwin n lexdami ufus: lfeṭṭa, tiqendyar, talext, idlisen, tiɣawsiwin n wesɣar, nnḥas, lḥelfa, tiɛeljtin d waṭas n tɣawsiwin n tẓuri i d-yersen di temzikkent.
Tasunẓut tella-d ɣef 14:00 s leḥdur uselway n Tiddukla Numidya Mass Ssaɛd Ẓamuc, agensas n srabes n laman d ugensas n lwali n Wehran d umenhal n usalay aɣelnaw Aḥmed Ẓabana. Beɛd mi d-zzin ɣef temzikkent, d temlilit d yemzikniyen,
awal yettunefk i uselway n tiddukla Numidya, yesterḥeb merra s wid d-yusan, yessenmer akk i wid d-yefkan afus n tallelt i tmeɣra n yennayer. Am wakken daɣen i yessarem aseggas ameggaz 2967 i medden merra.
Akken yal yiwen yefka-d awal-is, yessarem aseggas ameggaz, amzun akken msefhamen ɣef yiwen n wawal “ yennayer d win yezduklen merra izzayriyen”, « yennayer d tummast d idles–nneɣ”, ayagi yella-d deg welmus adelsan n Meḥrez Al-Wahrani. Ma yella di tzeqqa n Lfetḥ ɣef 16:00 tella-d yiwet tceqquft n tɛeljtin yettembiwilen « les marionnettes » d-yefka mass Bensoumicha Kada si Sidi Belɛebbas akk d mmi-s, anda i d-yewwi akk tiɛleǧtin sdeffir-s, tɛedda-d Ǧamila Ḥamitu, turar-d terna temla-d tamɛayt
Ahil d win ara ikemlen i wass wis-sin n tfaska ass n 11/01/17.