ALƔU
Ahanay “Bu tfuset” n terbaɛt umezgun “Tigawt d wawal” n tiddukla Numidya n Wehran a d-yili i wass n wahad (larebɛa) 24 ɣuct 2016 ɣef 22 (t) 00, deg wammas adelsan “Malek Bugermuḥ” –Amizur- Bgayet.
Yiwet tezgart si tmezgunt (un passage de la pièce):
Ssi Puziṭwar (abudali – vagabond-):
Lbaḍna deg-i teffer, ass-agi a tt-nefser;
a tt-walin medden d tirni.
tiyersi iẓemḍen tekres, a tt-yefsi yiles;
zdat-wen a tt-id-nesni.
A s-nekkes tablaṭ i wul, ur neḥnit neggull;
nuɣ tannumi d ccḥani.
Qbel ara bduɣ taqṣiṭ, ma a yi-d-teslem cwiṭ;
akken ara tfehmem kra a d-nini.
A d-nessegri s wazul, i kra n wi iḥemmlen lemtul;
Akkd teqbaylit-nni.
***
Macahu ɣas ad tiɣzif; kra d taḍsa kra d urrif
deg-s akessar, deg-s asawen.
Nekkni nwelleh-itt ɣer lewqam; akken ad lhunt tiram
s kra ssawḍen ifadden.
Ma teffeɣ targit mxalfa; tbeddel ṣṣifa
ur yuksan ḥedd i t-yuɣen.
Kra a t-id-nessiwel ɛinani; kra nniḍen s lemɛani
fiḥel ẓẓerb f wacciwen.
ɣef yiwen i d-newwi taqṣiṭ; segmi i s-gezmen timiṭ
d wamek yedder ger yemdanen.
2 commentaires
Djamal Benaouf
Ǧamal u Benɛuf (Benaouf Djamal) : D amedyaz, d ameskar n waṭas yedlisen d tmezgunin; akken daɣen i iqeddec deg waṭas n yesmilen s tira-ines. Yesselmed tamaziɣt i wugar n 10 iseggasen, am wakken i yella deffir n tesɣunt « Azul » n Numidya n Wehran. Idlisen : -Timlilit n tɣermiwin, ungal, l’Harmattan, 2002;- Tujjma tuzzma, isefra, l’Harmattan, 2004;- Di tmurt uɛekki, tamezgunt, HCA, 2007;- Taklit n tayri, tullist, asmel imyura.net;- Bu tcacit ulac-it, tamezgunt;- Aneggaru a d-yerr tawwurt, tamezgunt;- Ccix-lkanun, tamezgunt;- Bu tmelɣiɣt d Bu tselɣiɣt, tamezgunt;- Tiɣwist taneggarut, tamezgunt;- Bu yefden neɣ cciṭan di twaɣit, d tasuqqelt n tmezgunt n Tawfiq Lḥakim; – Bu tfuset, tamezgunt…
Lwennas Matub, Ssaɛid Ẓamuc, d kra imeddukal imenza n Numidya. Tawlaft (tteṣwira)-ya tettwaṭṭef-d di Belɛebbas, aseggas 1985. ANDA-TT TEƐZIBT