Tiddukla n Summam i teswennaḍt d yidles n Sidi Ɛic, d tanesbaɣurt deg leqdicat i txeddem, imi tettḥaza aṭas n yeḥricen yesɛan azal d ageɛmir deg tmeddurt-nneɣ n yal ass. Ama d ayen yerzan taneswennaḍt, neɣ aḥric anmetti mebla ma nettu idles.
D tin i d-yettbanen s tuget deg teɣzi n yal aseggas, d ayen i yeǧǧan imezdaɣ-is ad as-gen taflest
Tezdeg n twennaḍt 
d wayen i as-d-yezzin, d yiwet n temsalt i aɣ-yerzan merra, d tin yesɛan azal deg tudert-nneɣ. Ma yella nesseḥbaber fell-as ad tili d abaɣur d nnfeɛ, ma yella nesstehza, ad teglu s uxessar i temeddurt-nneɣ, d ayen ara d-yawin s wammus n waman d uzwu neɣ n tegnewt rnu ɣef waya abeddel n unezwu, mebla ma nettu aṭṭanen i d-yettaṭṭaf umdan deg ubluleɣ n twennaḍt.
Ɣef waya, tidukla-ya tger-d tiɣri i yimezdaɣ n tɣiwant n Sidi Ɛic, i yimaɣzalen (volontaires ), iwakken ad kkin s tuget, deg twizi n usizdeg akked ujmeɛ n tursaḍ ( déchets), n wasif n Sidi Ɛic i d-yellan deg wass n: Amhad 03 deg yebrir 2019 ɣef 09:00 n tnezzayt.
Ɣer taggara, imezdeɣ n tɣiwant rran-d i teɣri s wudem umnig (positif), ahil n tdukla yessaweḍ ɣer yiswi-is, s wafud d ufus n lemɛawna i d-yellan s ɣur yiɛeggalen iqeddcen deg tdukla akked yimalalen i d-yefkan iɣil n lemɛawna.
Tezdeg d tamsalt, terza ladɣa tadawsa n umdan, ɣef waya yal yiwen deg-nneɣ yessefk ad as-yefk azal.
Ihi, aseḥbiber ɣef twennaḍt ugar n wayen i nezmer, d lwajeb fell-aɣ .
Afus deg ufus taɛkemt ad tifsus
Suniya Aḥfir
