tazdelt d imɣi yellan yezmar i uɣamac
Tazdelt tebɣa a d-yini : azdal yezdel
D imɣi izedlen ddaw wakal
kra ara tek tefsut netta werǧin-is
i d-yeddi d yemɣan nniḍen
iteffer izeddel
alamma tfuk tefsut
ad faken yemɣan di lqaεa
mi iwala teṣfeḍ teswiεt
a d-yelfez ddaw wakal
a d-yeglu yid-s aεquq-is ad igem mebla ceḥḥa
mi i yelfez nnig lqaεa a d-yeffeɣ
ujeǧǧig-is d acebḥan di tlemmast ujeǧǧig yesεa taεeqqayt d taberkant
ḥemmlen-tt ibeεεac ad rrsen fellas
Ajeǧǧig-is yettqa al aggur
warǧin-is yugad aɣamac neɣ iṭij
Lawan ideg i ara tres tiṭ fell-as
a k-d-iban iceεεel am waggur
Tazdelt qqaren-d yemɣaṛen nneɣ
mi ara tt-yečč lmal sumata
am wakken yečča timẓin neɣ irden
acku tesεa aṭas n lfayda i tezmart
n lmal, ḥemmlen ajeǧǧiginni i tuččit
A d-uɣaleɣ alamma
d amyag-agi AZDAL :
Azdal
nezdel
yezdel
zedlen….. atg.
Azdal d amyag, nezmer a t-nessefti
ɣer yal aḥric, amek ara nemmeslay
i wayeḍ neɣ i tayeḍ neɣ i nekwni,
Amyag-agi azdal, yesεa aṭas n tmuffirt:
Amedya:
Assagi zedleɣ deg wexxam
D acu i yebɣa a d-yini ?
Mačči ffreɣ neɣ qqimeɣ
Azdal am wakkenni a d-nini
BERKEƔ deg wexxam ulac win i izemren
a yi-d-yessufeɣ, qqimeɣ deg yiwen wemḍiq kan,
ɣas a d-tili tɣawsa ilaq felli a tt-xedmeɣ,
maca ur zmireɣ ara ad kkreɣ,
Neqqaṛ tayaẓiṭ-iw tezdel ɣef tmellalin:
Mi ara tezdel tyaẓiṭ ɣef tmellalin,
ur tezmiṛ ara ad tekkar,
ɣas wwet-itt ɣas ssengagu-tt,
nettat tezdel deg yiwen wemḍiq kan,
Ma tengar ddunit nettat tεuẓẓeg
Amedya :
Atan wemdan-ina acḥal ayagi ur twalaɣ ara, cukkeɣ yezdel deg wexxam
Imɣi-yagi tazdelt
ɣef wayagi i s-qqaren tazdelt,
acku tzeddel ddaw lqaεa
Ḥacama yehwa-yas ara d-teffeɣ
Awal ɣur-wen ay imdukal εzizen
Ɣef tezdelt diɣ ɣef umyag agi azdal
Sɣuṛ Tala ILuɣen
