Sunya Aḥfir
S lmendad n Mass Lwali n Bgayet d uselway n tɣiwant, anemhal n uxxam umezgun akked unemhal n yilemẓiyen d waddal n Bgayet. Tidukla tadelsant n Derwic Zahir n Bgayet theyya-d Tafaska tis-snat taɣelnawt umezgun n wegrud seg 24 armi 28 Dujamber 2016 deg uxxam n umezgun n Ɛabdelmalek Bugermuḥ Bgayet. Tajmilt ara ad terr tdukla-ayi i yiwen unaẓur i wumi qqaren Nureddin Ɛemrun ad yeɛfu Yillu fell-as, d yiwen seg yinaẓuren i d-yefkan aṭas i umezgun.
Ahil n tfaska-ayi d amerkanti s waṭas, icud dima ɣer uḥric n umezgun imi aneggaru-ayi d win i d-yettrebbin, i yesselmaden igerdan. Ma newwi-d ameslay ɣef lwilayat yettikkin deg tfaska-ayi akked d yihanayen-nsent (leurs spectacles) ad naf ṣa (08). Ahanay umezgun (spectacle théâtrale) amezwaru yella-d akked
Lwilaya n Ɛennaba, isem n ugraw icurken (Tiddukla n Cihab lilfunun dramiya) azwel n tceqquft « Mamlakat El Alḥan ». Ahanay wis-sin akked Tiddukla n Elrisala n lwilaya n Msila , azwel n tceqquft « El Arnab wa Eccitaa » Awtul d tegrest. Ahanay wis-kraḍ yella-d d lwilaya n Bgayet Tarbaɛt n « Tiniqi n Seddouk » azwel n tceqquft « Tizi lal n Guraya », ssyin akkin yella-d uhanay n terbaɛt « Elkeccafa El Islamiya At Weɣlis », azwel n tceqquft « Tilufa n Cciṭan « . Ahanay wis-semmus (05) akked lwilaya n Mdiya, Tiddukla « Zuhur El Amel », tewwi-d taceqquft s uzwel « Ḥulm Najib », ma yella d ahanay wis-sḍis (06) akked tiddukla « Taɛawuniyat Ettaj Eddahabi » n Batna, azwel n tceqquft « Umniyat Maziḥ », lwilaya nniḍen, d Tizi Uzzu i d-yellan s « Taɛawuniya taqafiya bidawr elfan » (Tidukla Tadelsant s Temlilt n Tẓuri) n Tizi Uzzu, azwel n tceqquft « Akayad ». Ahanay aneggaru wis-ṭam yella-d akked lwilaya n Mestaɣanem, tella-d akked Tiddukla n « Ssitar Eddahabi Limasraḥ Eṭṭifl Mestaɣanem », azwel n tceqquft « Alam Wa Amal ».
Am akken daɣen i d-llan sin isikwan (les ateliers), amezwaru : « Warcat El takwin Elmasraḥi wa Ḥikawati », taɛeggalt n usakwen-ayi d Massa Crifa Sidmu. Ma yella d asakwen wis-sin : d « Warcat Ettamtil Elmasraḥi » akked d Mass Amaziɣ Mahdi.
Aselway n tiddukla n Derwic Zahir, Mass Busemmar Mulud yefka arrazen i sin inaẓuren i d-yefkan aṭas i tẓuri n Lezzayer Mass Ɛumar Feṭmuc akked massa Linda Sellam. Am akken daɣen i imudd arraz i twacult n Nureddin Ɛemrun.
Tafaska-ayi d tin i inejḥen imi aṭas n twaculin i d-yerzan, wwint-d arraw-nsent iwakken ad nezhen ticeqqufin i d-nebder yakan, yeɛjeb-asen lḥal acku lemden seg tceqqufin-nni.
Ma newwi-d ameslay ɣef imekfuda (les animateurs) n tfaska-ayi ad naf Massa Sunya Aḥfir akked d Mass Muḥemmed. Nessaram ad tili tfaska tis-kraḍet deg yiseggasen i d-iteddun acku amezgun d aḥric agejdan deg tmetti-nneɣ d win i d-yesbanayen udem n tmetti ideg nettidir s wawal nniḍen, a d-iniɣ amezgun d lemri n tmetti.