Yella yiwen umeksa deg yiwet n taddart, d netta i ikessen taqrayt n taddart, yiwen wass deg wussan n Rebbi tusa-t-id yiwet n tikti; ibedd deg yiwet n tizi yebda yettsuɣu: ah ruhu, ah ruhu abbuh, abbuh. Ay at taddart atan yeẓdem-d yizem ɣef teqrayt. At taddar si lǧiha-nsen kkren qeccuc meccuc, d tazzla, tazzla akken a d-selken ameksa d teqrayt-ines. Wa s ujenwi, wa s ucaqur wa s ugelzim wa d lfuci lḥasul terwi imḥaddan ulac.
Imi wwḍen ufan d askerkes, i yeskerkis fell-asen, ɣlin fell-as s tɣrit fkan-as leɛtab-is uɣalen-d. Tikkelt deg wussan Rebbi yeɛna-t-id yizem udem s udem, tikkelt-a d tidet mačči d tikerkas. Yebda umeksa yettsuɣu:
ahruḥu ahruḥ abbuh abbuh ay at taddart atan yizem yeẓdem-d ɣef teqrayt n taddart. At taddart merra slan, acu kan ula yiwen, ula yiwen ur d-yusi, ula yiwen d-iruḥ ad iḥud ameksa d teqrayt-ines. Nwan d tikerkas i yeskerkis fell-asen am tikkelt-nni tamezwarut. qqaren-as: ««wagi yestufa i tkerkas » tameddit yeɣli-d ṭṭlam ameksa ur d-yekcim ara taddart. Mi ruḥen ad nadin fell-as ufan kan ticeṭṭiḍin-ines xnunsent deg idamen, yečča-t yizem. Deg imi d-yegra yinzi-agi.
« Anwa ara k-yamnen a wi yeskiddiben asmi ara d-tessiwleḍ tidet »
Anwa ara k-yamnen awi yeskiddiben ass mi ara d-tessiwleḍ tidet
0
Share.
