Llant snat n temddukkal ɛadlent am sin iḍuḍan n tamment, yefka Rebbi yiwet deg-sent temmut, teqqim-d tinna nniḍen weḥdes, seg wasmi tt-teǧǧa tmeddakkelt-is ur tesbir fell-as. Mi tt-teẓra akken tjaret-ines teggumma ad tesber, truḥ-d ɣer-s tenna-yas:
« xas kkes aɣbel i wul-im, aqli deg webdil n temddakkelt-inem yemmuten tura dayen fak leḥzen»
Seg wassen, uɣalent d timdukkal myeḥmalent mačči cwiṭ. Tekker yiwen wass tebɣa ad tjerreb tameddakkelt-agi-ines tamaynut, tekker tenna-yas:
« annaɣ a tameddakkelt annaɣ limer ad teẓreḍ ! Ǧǧiɣ tuggict n tasent ufiɣ yekker deg-s uwekkiw maca ala kemm i wumi d-nniɣ alarmi kem-ḥesbeɣ d tameddakkelt n tasa i m-d-nniɣ acu kan a tameddakkelt nemla i lqaɛa»
Akken i d-teffeɣ truḥ ɣer tala tewqem aberraḥ dinna, sut taddart merra slant. Tenna-yasent:
« a tadyant yeḍran d temddakkelt-iw Wiza, yekker-as uwekkiw di tasent»
Wiza mi truḥ ula d nettat ɣer tala, tidak yellan merra di tala ttemyeɣmazent ssikkident ɣur-s, tenna-yas-d yiwet s ameẓẓuɣ:
« d tidet yekker-am uwekkiw di tasent ?»
Terra-yas-d akken ad slent merra tidak yellan dinna.
« a sut tala tasent ttekkes awekkiw, werǧin yekkir uwekkiw di tasent, d ayen werǧin neḍri!!! nekk bɣiɣ kan ad jerbeɣ Jeǧǧiga, tura ala ass-a nekk yidem a Jeǧǧiga»
Yekker wectal di tasent
0
Share.