Seg useggas 2005 amuli wis 100 n tmettant n umedyaz agejdan n tmedyazt tamaziɣt Si Muḥ Umḥend, tiddukla itri adelsan n weqbu teslul-d timlilt tis-tlata n tmedyazt tamaziɣt ɣer tama n tidak yellan. timlilit n Yusef Uqasi d Si Muḥ Umḥend deg Tizi Wezzu , d temlilit n At Samaɛil . Timlilit n tmedayzt n yitri adelsan n weqbu, d tagnit nniḍen i yettunefken imedyazen akk d tmedyazin i wakken ad mlilen., ger yiswiyen-ines d asekfel n yimedyazen d tmedyazin ur nettwassen ara, d tuksa n uɣebbar ɣef wasimiyen d tmedyazt taqburt, diɣen d awelleh n tmuɣliwin ɣer wayen i d-ǧǧan imenza. akken a d-yili useḥbiber , a d-tuɣal ad tazel deg yimi n medden. Tiddukla-agi teger aqeddim amenzu seg tejmilit tamezwarut i si Muḥ u Mḥend, yella-d wesbeddi n unebdad, syen d tijmilin i yuɣalen i Muḥend Usɛid Amlikec, Nna Reḥma u Ɛissa,, Saɛid Marawi, Jean lmouhoub Amrouch, , Nur weld Amar, kateb yasin , Tiziri d Leḥlu, Muḥamed Belḥanafi alammi i d-tessaweḍ ɣer tis 10 i Salem Ɛemran d Malek Ḥud. Timlilit n tmedyazt n tiddukla itri adelsan n Weqbu d leqdic ilmend n usnerni n uswir n tmedyazt tamaziɣt, d tirirt n wazal i umdeyaz, d asebɣes s warrazen i yettunfkayen deg yal timlilit i widak d-yufraren. Arnu-yas ɣer wamuden isefra d-tezzizrig tiddukla. Akken tamedyazt ad tuɣal ɣer tira a d-qqimen i tisutiwin i d-teddun. Nnan imusnawen « zik wa ihedder-itt i wayeḍ ass-a di lkaɣeḍ ad tt-id- afen ineggura » akken yenna Dda Lmuld win yebɣan tamaziɣt ad d yissin tir-s.
