Yella yiwen wemɣar yebɣa ad ijerreb tigzi n warraw-is. Yenna-yasen ma: tzemrem ad terẓem tazdem-inna n yesɣaren, iɛedda umezwaru yebda yettnaɣ netta d tezdemt-nni, ur yezmir ara, iɛedda wayeḍ kif kif, akken ma llan ulac win izemren ad yerẓ tazdemt-nni, yekker wemɣar yefsi cced i tezdemt, yesɣam i yesɣaren-nni yiwen, yiwen alarmi ten-yerẓa merra, yenna-yasen i warraw-is:
– a tarwa “bḍu-ten, terẓeḍ-ten “
Youcef Achouri d aɛeggal di tiddukla Numidya, d amedyaz, d ameskar s tutlayt tmaziɣt, ddeqs n tsuqqilin i d-yerra ɣer tmaziɣt, gar-asent: - « Cyrano de Bergerac », « Al Aǧwad »... ; am wakken daɣen i yura ungal « ijeǧǧigen n ccwal» d wammud n tullisin. Am wakken i yella daɣen seg igejda n weɣmis « Tafukt », asmi yella s ttawil n lkaɣeḍ. Yella daɣen d yiwen si terbaɛt umezgun n tiddukla Numidya. Ar tura, ddeqs seg isenfaren-ines werɛad d-ffiɣen...
Un commentaire
akka ixedmen iɣersiwen i ujemmaɛ melmi i bɣan ad ṣṣdaden kra n yixef a t-ččen.
tajmaɛt melmi tezdi yuɛar lḥal a tt-ɣerlben icenga-ines
Amek i tettemwezzaɛ tejmaɛt?, melmi i yettmuqul yal wa ɣer yiman-is, ɣer leṣlaḥ-is kan, ya lukan ad negren wiyaḍ, melmi ur ttawin ara yemdanen rray iṣelḥen, xeddmen kan lebɣi i medden.
lḥasun, acengu leɛmer yeɛfis tajmaɛt, aɣref…., melmi dduklen, beddun dima s umwezzeɛ.