Ay iḥeddaden n wawal
Yeḍra yid-i lmuḥal
Ur ufiɣ um’ara ad cetkiɣ
G taddart kfan lɛeqqal
Widak iferrun timsal
Ayen i yi-iceɣben a sen-t-iniɣ
Aql-in zzin-iyi leɣwal
Wwin rrezq-iw d ajemmal
G wexxam n baba nfiɣ
Uɣaleɣ d amerwal
Mi rewwleɣ i ccwal
Mačči d ljayeḥ ay lliɣ
Lukan nekki d ljahel
Ur yi-iḍerru yid-i lbaṭel
Ansi yi-yehwa ad ɛeddiɣ
Imi ay lliɣ d lfahem
Ulamma rewwleɣ i lhemm
Yettabaɛ-iyi-d ar deffir
Awtul mi yehjem
Ur yugad izem
Yenwa imeẓẓuɣen-is d ddkir
Aɣyul aleggam mi s-t-ɛellen
Mi iwala aɛudiw yusem
Yebɣa am nettan ad yettsir
Lbaz mi t-nfan
I tgarfa ɛellen-as ccan
Inekkaren lxir
A k-weṣṣiɣ a bnadem
Ur ɛeddel g uqelmun azrem
Anef-as a t-inal usemmiḍ
_____________
Rabie Cherdouane
(Tous droits réservés)
Un commentaire
Azrem deg uqelmun tedda-d deg yiwet n teqṣit i d-mmalen di leǧwayeh n at ɛebbas (ahat tella anda nniḍen), inisi iḥuma-d ɣef wergaz i yeddmen azrem deg uqelmun-is, acku yebɣa a d-yezzi fell-as a t-yeqqes. Mi t-isellek, yezzi wegaz-nni ɣef yinisi, yebɣa a t-yawi d imensi lwacul.