Agezdu n Yidles d Tutlayt Tamaziɣt deg Lezzayer tamaneɣt ! Sɣur Hamid Oubagha
Yeldi deg tesdawit n Buzerriɛa, deg Lezzayer tamaneɣt, tiwwura-is ugezdu n Yidles d Tutlayt Tamaziɣt ( Département de Langue et de Culture Amazighes – DLCA) seg wass n 02 tubeṛ 2016 i tesmilt tamezwarut n yinelmaden ara ilemden ar d-awin turagt (Licence) n tmaziɣt. Sawlen-iyi-d seg tedbelt n ugezdu-a i wakken i uselmed n » Tira d ususru » deg tmaziɣt (Ecriture et diction) akked d usebdu n ulmad n tmaziɣt (initiation à la langue tamaziɣt) (TD). Tamsirt tamezwarut ideg d-wwiɣ ɣef ugemmay n tmaziɣt ass-a n lexmis (06.10.2016) ay tt-id-igiɣ i yinelmaden. Tasmilt-a tamezwarut n yinelmaden n tmaziɣt deg tesdawit deg tmaneɣt, deg-s azal n 70 n yinelmaden. ttḍafaren tizrawin-nsen deg uɣerbaz unnig n yiselmaden – E.N.S i d-yezgan deg Bouzerriɛa. Ger 70 n yinelmaden llan 22 yiɛerbawalen (arabophones) ur nettmeslay tamaziɣt ur nessin deg-s ula d awal ! Ayen ara d-yessutren snat n tarrayin i ulmad n tmaziɣt. Dɣa, d ayen i iyi-d-yesmektayen tarmit n tiddukla » Imedyazen » deg temkarḍit taɣelnawt deg yiseggasen 2005 – 2006. Ssarameɣ afud igerrzen i yinelmaden deg tezrawin-nsen, i yiselmaden d tedbelt n ugezdu. Mass Hamid Oubagha d aselmad di tseddawit n Lezzayer, d aselway n tiddukla Imedyazen, d yiwen seg yime^qnasen imezwura, imeqqranen n tmazi^qt
Un commentaire
Azul a Dda Ḥamid afud igerrzen,
kečč d ameɣnas si zik, nelmed-d akk sɣur-k, tɣelbeḍ asif asif iḥemlen, a k-d-yefk Rebbi afud ad tkemmleḍ abrid-a i d-tneǧreḍ i yidra n tutlayt-nneɣ.