Tiddukla tadelsant itran n Ǧɛafra n tawilayt n Burǧ-Burariǧ, theyya-d tafaska n timidi d tmerrit tamezwarut. s uttiki n tiddukla tadelsant Numidya n Wehran.
Ass n Ssebt 27/ 08/16: tameddit n wass yella-d umagar n iɛeggalen n tiddukla Numidya, d-yusan srid si Wehran. di taddart n Cekbu icebḥen aṭas aṭas mazal-itt s yexxamen-ines iqburen s wedɣaɣ d lqermud n leqbayel. Imezdaɣ-ines d wid i d aɣ-d-iqublen s wudem yennecrahen ur nḥulfa ara iman-nneɣ d iberraniyen, ahat nesɛa ciṭuḥ n zzher imi d-neɣli di lawan n tbexsisin, at taddart ur llin ara d imecḥaḥen.
Deg yiḍ annar n tejmaɛt yejmeɛ-d merra at taddart, akken ad walin tmazgunt d-theyya terbaɛt umezgun “tigawt d wawal » d- yewwin tamezgunt “ bu tfuset”, imezdaɣ n taddart merra fkan-d tameẓẓuɣt, teɛjeb-asen nezzh, i tikkelt tamezwarut i d-tella tmezgunt di taddart-agi n cekbu. Am wakken daɣen d-yella usezri n tmucuha d uzenzi-nsent. “abẓiẓ d yizi”, “ Bu tkercet” nettu ula d imensi. Deg wexxam n Salem Mahuc, yuklal asenmer, dinna i nečča dinna i nensa. Lḥasul ad yesget Rebbi irgaznen am netta. Imi d netta i yekren i leqdic am wagi.
Assa n 28/8/16:
Tasebḥit yella-d wesbeddi n temzikent deg walmus adelsan n Ǧɛafra, ssyen tella-d tikli ɣer usalayan n imeɣras d-yezgan di tlemmast n temdint n Ǧɛafra, mbeɛd ddqiqa n tsusmi d asterḥem ɣef merra wid iseflen tirwiḥin-nsen ɣef uzarug n tmurt-nneɣ. Asefhem merra n tɣawisiwen yellan ddinna. Ama d lḥerǧ n leslaḥ yettwasxedmen di tegrawala, ama ɣer irumyen, d kra n tṣawer n yemjuhad. D kra ittafttar n umezyu n tegrawala.
