Timlilit n Rradyu tadelsant d imedyazen d imeskaren s tmaziɣt di Wehran

Rradyu tadelsant terza-d si Lezzayer ɣer temdint n Wehran anda temlal kra n imedyazen, d imeskaren n tiddukla Numidya n Wehran.

Yusef Mejbur s yisem-is d ameɣnas, d win d yettheggin tadwil « izurar » di tazwara yefka awal i Mass Saad Zamuc aselway n tiddukla Numidya, anda i d-yewwi awal ɣef umezruy n tidduka seg iseggasen n 80, asmi i d-tella terbaɛt n ddabex uḍer « imnayen n umidya », deg ukatar n tdukli n yelmeẓyen izzayriyen UNGA n ukabar n FLN, d akabar awhid n tallit–nni. Alarmi d tagnit n wassa, am wakken daɣenni i d-yewwi awal ɣef leqdic n tiddukla deg yeḥricen yemxallafen deg yedles, tasekla, taẓuri ilmend n useḥbiber, d wesnerni n yedles d tutlayt n tmaziɣt. d isenfaren-ines ɣer zdat. Am wakken yerra tajmilt i yimaslaḍen n tiddukla, widen yellan qeddcen di tallit-nni n ẓẓmik, widak ukud yerfed azaglu n temsalt n tmaziɣit.
e
Ssyen, yettunefk wawal i mass Yusef ɛacuri s yisem-is d aɛeggal di tseqqamut tanemhalt, d amedyaz, d amaru, aneggaru-yagi yewwi-d awal ɣef tirmit-ines deg weḥric n tira, imi deg useggas n 2009 yessuffeɣ-d ungal-ines amezwaru « ijeǧǧigen n ccwal » ɣer tezrigin Beɣdadi. Amud n tullisin « aklan n tayri », ger tezrigin n useqqamu unnig n timuzga HCA deg useggas 2012, am wakken i d-yewwi awal ɣef isenfaren-ines ɣer zdat. Ger-asen tasuqqilt n tmezgunt n « alaǧwad » n Abdelkader Alula d « ixef usennan » yllan tura ɣer tezrigin tira, qrib a d-ffɣent ad tent-ɣren imeɣriyen

Meddur Muh Crif, amedyaz yewwi-d awal-ines ɣef tmedyazt, d udebsi-ines ara d-yeffɣen deg wussan-agi d-yegguren, anda yessaweḍ yejmeɛ-d isefra-ines, akken ad asen-slen medden. Am wakken i ɣ-yewwi s tmedyezt-ines nḥewwes-d tuddar n Ǧeɛfra, deg yiwen usefu anda i d-isemma merra tuddar-agi: taddart, taddart, taxliǧt, taɣliǧt.

Ḥaman Ɛebdellah yebda-d awal-is ɣef tira-ines, anda d-yebder merra ifuras-ines seg wasmi yella di lḥebs n Lumbaz, di tallit n unekcam arumi deg iseggasen n 50. Asmi yella yettaru ɣef lkaɣeḍ n dduxan. Am wakken i d-yewwi awal ɣef tiddukla tadelsan n tmaziɣt dagi di wehran, tagi d tiddukla Asirem, Ḥaman Ɛebdellah yuɣal alarmi d timucuha-ines yesseḍsayen, anda i ɣ-yesḍes merra.

Ssaɛid uɛebdeslam d amedyaz, yewwi-d kra isefran-ines, uladɣa ɣef lḥif n tegrawla tedder tmurt n leqbayel, di tallit unekcam arumi d isefra yemxallafen.
Akka i yessuli Yusef Mejbur tadwilt-ines « iẓurar » ssya si temdint n wehran seg wexxam n yelmeẓyen Mɛawed Ḥmed Mirucu zik-nni.