Yella yiwen wergaz yesɛa agerruj, ula yiwen ur yeɛlim yes-s, yekker yeɣza-yas tasraft deg wexxam-is. Yal mi yebɣa ad as-iḍil, ad yesserzef tameṭṭut-is ɣer imamwlan-is, acku ula d nettat ur tt-yessaɛlem ara. Tameṭṭut-is tfaq d acu yellan. Yiwen wass teggul ur terzif alamma teẓra sebba. Yekker wergaz-nni yekkes-d agerruj-ines yewwi-t a t-yeffer di teẓgi. Mi yekcem tiẓgi, mi yedda cwiṭ kan ad isuɣ : «yella wi llan da ? », ad as-d-rren « aqlaɣ da »; nutni ɣilen d lweḥc i yettewḥac, netta yettarra-yasen-d « d ayagi i yugadeɣ » yerra-d agerruj-is s axxam akken ad iɛawed a t-yeffer dinna; ikemmel yenna-yas :
« win I s-yennan yexla lexla d iman-is i yexla »
