Yella yiwen wergaz, yal mi ara d-iɛeddi deg webrid a d-yaf yiwet n terbaɛt n lɣaci heddren fell-as ḥaca s ccer. Yal mi ara ten-id-yaf akken ad yewwet ɣer selfa-ines a ten-yexles. Wid-ak ihedren fell-as yiwen wass tkakin-d rray-nsen yenṭeq-d yiwen deg-sen yenna: « ayagi nxeddem d lɛib fell-aneɣ, amek nekkni nhedder fell-as netta yettxelliṣ-aɣ s yedrimen », dɣa gezmen-tt di rray d akken ur heddren ara fell-as. Tameddit-nni atah iɛedda-d deg webrid-nni yufa-ten-id, acu kan tikkelt-agi ur heddren ara fell-as. Ula d netta ur ten-ixelleṣ ara. Azekka-yina kif kif wayeḍ kifkif. Kkren steqsan-t « amek asmi nhedder fell-ak tettxelliṣeḍ-aɣ, tura imi ur nhedder ara fell-ak ur aɣ-tettxelliṣeḍ ara ? » yerra-yasen-d « asmi theddrem fell-i tellam tseffḍem-iyi ddnub ttxelliṣeɣ-ken, tura imi tḥebsem ur theddrem ara ula d nekk ad ḥebseɣ ur ken-ttxelliṣeɣ ara »
Youcef Achouri
