Amahil n Tiddukla n Ṣummam i tensawsent d Yidles n Sidi Ɛic deg waggur n Ramḍan 2018

0

Tiddukla n Ṣṣummam i Tensawsent d Yidles n Sidi Ɛic d yiwet seg tiddukliwin i iqeddcen deg kraḍ n yeḥricen : annar n tusnazduɣt, annar anmetti, annar adelsan.  

Ma newwi-d awal ɣef wahil n tidukkla deg waggur n remḍan 2018 ad d-naf:

Deg teẓrigt-is tis-kraḍ n tukci n yiḍelaɛen n ramḍan, fkan azal n 200 d aḍellaɛ, rnu ɣef waya azal n 1500 idinaren n uksum itwaculin yenxeṣṣen, yenḥafen n tɣiwant n Sidi Ɛic akked tudrin i as-d-yezzin s wacu ara qablen aggur-a n rreḥma. Mazal aḥric wis-sin ad ikemmel send lɛid ad yili am wakken i t-id-nebder yakan.

34604324_398231617340400_5086963667723878400_n

Axxam n rreḥma i tikkelt tis-ukkuz i d-yellan di lluzin Tissirt n Ṣummam n Sidi Ɛic « les moulins de la soummam de Sidi Aich ».

Deg wussan imenza seččayen alama d 320 d amdan, ssyin wwḍen almi d 390 d amdan ladɣa deg wussan-a ineggura, seg wid i d-irezzun llan iminigen, imsebriden, tiwaculin yenḥafen n tɣiwant n sidi ɛic. Iɛggalen n tiddukla yal mi ara d qqiment 54 n dqayeq ɣef tuddna n lmeɣreb ad d-ffɣen ɣer webrid s yiselsa n tiddukla, ḥebbsen imsebriden i wakken ad rẓen lmeɣreb, ssyin ad kemlen amecwar-nsen.

34713685_398232124007016_2893227035876917248_n

Ṭhara (lextana) n yigerdan imecṭaḥ n twaculin yenḥafen ass n 27 laylat elqadr s lemɛawna n ssbiṭer n Sidi Ɛic.

Tiddukla tesseklef s wayen ilaqen i imeṭharen-a ama d iselsa d warazen mebla ma nettu tameɣra tameqqrant ara yilin ass n 26 deg waggur n remḍan ad tent-id-rafqen twaculin-nsen d wazal n 40 d inebgi i yal tawacult n umeṭhar.

ahil n tmeɣra ad yili s ccna akked ucennay Hakim Aqbayli, Leklun, tikci n warazen i imeṭharen.

Ahil n tdukla mazal ad ikemmel seld ramḍan s teẓrigt tis sḍis n tukci n warazen i inelmaden ifazen. Tameɣra ad tili seld n tririt n yigemmaḍ n uɣerbaz amenzu, aɣerbaz alemmas, tasnawit.

Iɛeggalen n tiddukla n Ṣummam i tensawsent d yedles n Sidi Ɛic ttmagaren leqdicat s tumert d tebɣest d talwit, ɣas akken tikwal ttilin-d iɛewwiqen maca sɛan tiddukla zun d ddkir zun d yiwet n twacult, wa yettak afud i wayeḍ, d ayen i yeǧǧan ad fken tugna icebḥen nezzeh i temnaḍt n Sidi Ɛic.

                                             Afus deg ufus taɛkemt ad tifsus

Aḥfir Ṣunya

34727814_398232207340341_976931556046143488_n

Share.

About Author

soniahfir

Massa Sonia Aḥfir d yiwet iḥemmlen leqdic adelsan, teqeddec deg waṭas n tfaskiwin akked d tdukliwin, deg useggas n 2015, tunag ar tmurt n Tunes iwakken ad teqdec di temdint n Ǧerba d tdukla n "Animation Ǧerba", uqbel ad tunag tella texdem akked tdukliwin tidelsanin n tmezduɣt tasdawant n Bercic 01 Leqser n Bgayet. Tazwara akked tdukla Tadelsant "Asirem", syin d tdukla tadelsant "Asalu", texdem akked d Mass Buɛmara deg useggas 2016, d tdukla tadelsant "Tamsawsent Summam" n Sidi Ɛic, ssyin akkin tella-d akked Mass Ali Yeḥya Abdennur, deg 2016 ttikki di tfaska taɣelnawt tis-snat n yedles d tẓuri n Bgayet, deg useggas 2016, teffeɣ-d s ugerdas n Master di tsekla taqbaylit, leqdic-is yufrar-d ɣef wiyaḍ, seg tesdawit n Ɛebderraḥman Mira n Bgayet. Taswiḥt-a attan d taselmadt n tmaziɣt di tesnawit n Ben ḥeddad Muḥend Uyidir Timezrit di lwilaya n Bgayet.

Leave A Reply