Awal umaru Ǧamal Benɛuf di temlilit uzenzi s ubuddu n wungal « Timlilit n tɣermiwin » i d-yeḍran ass n 25 /2/2017 deg usideg n tiddukla Numidya.
TANAFULT TATIKNIKT N WUNGAL « TIMLILIT N TƔERMIWIN ».
- Awal uzulu d usensef+ Tagnit neɣ aneḍruy.
Asmal n wungal :
- Azwel n wungal : « Timlilit n tɣermiwin ».
- Ameskar : Ǧamal Benɛuf.
- Tazwart : Kamal n At Zerras.
- asuneɣ n tduli : Faḍila Ṣaḥri.
- tazrigt tamenzut : L’Larmattan, 2002. Tazrigt tis-snat : Achab.
- 176 isebtar (deg-s amseglu : iwellihen ɣef tira d umawal.
- Tawsit : Asugen, d tasekla n wezbu.
- Agzul n wungal :
Tudert n kra imezdaɣ n yiwen uɣaram d-yezgan di tmazɣa « Timlilit n tɣermiwin ».
Iwadamen igejdanen:
Yidir : d ilemzi, d amɣid deg usagan uɣaram-a. D agujil si baba-s, u d aɛeggal n yiwet twacult tigellilt.
Tudert : d tilemẓit, d tamlawit di ssbiṭar, daɣen d taselmadt deg wayen yecban tujjya, u tezga-d ilmend n baba-s yettidiren d amuḍin, d ukrif ; ula d nettat d tagujilt si tyemmat-ines.
Iwadamen nniḍen : Ṣaliḥa , Ḥmed aselmad, Lmulud , Bba Belgasem, Lḥaǧ Lɛerbi, Leḥlu, Ferruǧa…
Isental :
- Tayri talqayant tuffirt ger Yidir d Tudert.
- Tudert n yal ass imezdaɣ uɣaram « Timlilit n Tɣermiwin ».
- Amennuɣ imezdaɣ-agi i yidra n tudert n liser, amennuɣ-nsen mgal tizzeɣzeɣt d temḥeqranit i d-yeɣlin fell-asen ; iḥulfan-nsen, tugdi-nsen akkd usirem-nsen…
Tamawt : Di tudert imezdaɣ-agi ara nessin ineḍruyen imeqqranen yeḍran deg uɣaram-a neɣ deg umaḍal s umata.
- Umata, d win yesduklen tasertit, amezruy, taɣerma, idles..
Tallit neɣ akud :
- Tadyant temmal-d ineḍruyen n tallit ger iseggasen n 1960 ar iseggasen n 1980. Maca, tadyant tettuɣal yal tikkelt ɣer umezruy aqbur akken a d-tesserwes ger tillay-a.
Tutlayt :
- D taqbaylit tahrawant yufafen, daɣen timerna n ddeqs n wawalen d-yettwazedmen si tantaliwin nniḍen n tmaziɣt ; yella daɣen wesnulfu n kra n wawalen…
Azɣan d tedmiwin d kra n tezrawin n kra imusnawen : Kamal n At ZERRAD, Remḍan ƐECCAB, Muḥend AklI ṣalḥi , Muḥend Meḥrazi, Tanaṣlit…
Tagrayt.
Askasi.
