Tella yiwet n tmeṭṭut, tezzuzzun mmi-s, akken ad yeṭṭes, llufan yugi yettru, yegguma ad yeṭṭes, tcennu-yas yugi. Akken a t-tesgen, tenna-yas:
– Tura ad tegneḍ neɣ a k-ḍeqreɣ i wuccen a k-yečč.
Yuɣ lḥal uccen yella isell-asen-d. Imi yesla i wawal-agi aneggaru : « Gen neɣ a k-ḍeqreɣ i wuccen », uccen yefreḥ d ayen kan, yeqqar-as deg wul-is:
– Ncallah ur yeggan ara, akken a yi-t-id-ḍeqqer ad teččeɣ.
Yurǧa, yurǧa i wegris d usemmiḍ, ɣezzif uraɣu, llufan ur igin, ikemmel araǧu-ines alrmi tessusem akk ddeɛwa. Dinna yuyes, yekker yeddez iberdan-ines yessegra-d awal-agi : « Imexlaq-agi heddren kan ».
Imexlaq-agi heddren kan
0
Awesome
Share.