tanmehla n yedles n twilayt n Tizi Wezzu d yemdukal n Ɛetmani heyyan-d tajmilt i ucennay-nneɣ Ɛetmani,
Nekker-d s tezlatin-ines, yezzuzen-aɣ yes-sent, ya ḥeṣrah a tallit-nni. Anwa ara yettun tizlatin yecban
»Ttejra lwerd ɣlayen », « lmut taɣeddart », « ur nečči ur nerbiḥ ay ul », « beẓẓeɛ lillu » …tanemmirt i wid yerran lwelha-nsen ɣer ucennay-nneɣ ameqqran Ɛetmani neɣ am wakken i d-as-qqaren yemdukal-ines Ḥemmic.
S teɣzi n wesmud-inek a Ḥemmic.
Youcef Achouri d aɛeggal di tiddukla Numidya, d amedyaz, d ameskar s tutlayt tmaziɣt, ddeqs n tsuqqilin i d-yerra ɣer tmaziɣt, gar-asent: - « Cyrano de Bergerac », « Al Aǧwad »... ; am wakken daɣen i yura ungal « ijeǧǧigen n ccwal» d wammud n tullisin. Am wakken i yella daɣen seg igejda n weɣmis « Tafukt », asmi yella s ttawil n lkaɣeḍ. Yella daɣen d yiwen si terbaɛt umezgun n tiddukla Numidya. Ar tura, ddeqs seg isenfaren-ines werɛad d-ffiɣen...
