D timlilt tagraɣlant ɣef Yugurten neɣ Jugurṭa agellid amaziɣ agrawliw i iqublen Rrum, d azamul n ibeddi umaziɣ si zik ar wudem n wemnekcam amesbaṭli. Timlilit-agi tagraɣlant i d-ihegga wesqamu unnig n timmuzɣa HCA si 20 ar 22 ɣuct 2016 iɛeddan deg wexxam umezgun Ɛezzeddin Mejjubi n Ɛennaba neɣ Hyppo-Régius zik, seg wayen swayen d-teffeɣ:
1-Asebɣes n unadi d usekfel, deg yimukan i d-yettwabedren deg irusfusen umezruy.
2-Asiẓreg d uzuzer n yedlisen d isaragen n yesdawanen d yemnadiyen ɣef uzamul-agi di timliliyin d ttiɛdat.
3- Ajmaɛ n yakk umlan ɣef yergazen imaziɣen yuran deg umezruy azzayri, i wakken a ten-sqedcent yakk tsuda ibedden i wesnerni n tutlayt tamaziɣt, d tneɣlafin n uselmed aɣelnaw akk d tin uselmed aɛlayan d unadi ussnan.
4- Tirin n yismawen n tugniwin timaziɣin n tefriqt ugafa d ismawen n izenqan d rreḥbat n tmurt, ladɣa deg imukan ideg llan zikenni.
Ass wis-tlata n temlilit: yella-d wawal ɣef tegrawliwin i d-yesker ugellid Yugurten di tallit-nni mi yella d agellid si 154 ar 104 ngum talalit SƐ, mgal tamuɣli n rum yetthummun akken ad tissimɣer tagelda-s.Wwin-d ladɣa ɣef tegrawliwin n 7 iseggasen gar iserdasen n Yugurten d wid n Rum si 112 ar 104 ngum talalit n SƐ.
a d-nesmekti d akken tiddukla Numidya n Wehran terra i teɣri n wesqamu unnig n timmuzɣa s uttikki n sin iɛeggalen-is.