Ass n 29/ 08/16, taṣebḥit tella-d tirza ɣer uẓekka n tcennayt-nneɣ Crifa, anda d-tella tɣuri n lfattiḥa, d asterḥem ɣef rruḥ-is, d tajmilt i wayen d-tefka i yedles nneɣ.
Ssyen,
srid ɣer tɣiwant n Tefreg anda d-yella usarag sɣur Hewwari Bessay s yisem-is d asdawan d aɛeggal di tiddukla Numidya n wehran ɣef webrid i d-yewwi umennuɣ ɣef tmaziɣt d wayen i t-yettraǧun.
Tamedyezt tewwi aḥric n yizem, imi imedyazen yettikkin tettunefk-asen tegnit akken a d-smiren tamedyezt-nsen, gar-asen
Nadiya Benɛmer,
,
Mahuc Salem.
Muh Crif Meddur
Amezgun daɣen yella di ttiɛad, tamezgunt ‘’ger iɣuraf” d tamezgunt d-yurar Ḥamid Baḥfir. Teɛjeb merra imferrǧen, ddan yid-s si tazwara ɣer taggara n tmezgunt.
Arrac imecṭaḥ daɣen ula d nutni llan deg wahil tikkelt-a yewwi-ten-id umeddaḥ di teqṣiṭ. Imi d-yella usizri n snat n tmucuha “ abẓiẓ d yizi” d “ bu tkercet”, arrac yeɛǧeb-iten lḥal nezzeh. Deffir tesgilt usiẓri llan-d yesteqsiyen ɣef snat-agi n tmucuha, isteqsiyen ttwanefken i warrac iḥeḍren, ssyen ttwanefkent tunṭicin i wid d-yerran ɣef yesteqsiyen.
Arraz amezwaru i teqcict : Amaruc Muna
Arraz wis-sin: Benḥiziya Ɛebdelɣafur
2 commentaires
Azul,
D tiidet, d tameɣra… Idles yuɣ adeg-ines. Tanemmirt i waziwen d wid i d-yefkan tullin..
Azul a Youcef. Tanemmirt ɣef umagrad. Ssarameɣ ad as-d-tkemmleḍ aḥric ixuṣṣen, ayen yeɛnan timsizzelt n yeɣyal. Tajmilt tameqqrant i wid i d-ihegga Tafaska, ladɣa Ammi Salem.