Yemma Daɛda d yiwet n temɣart tedda deg wusmud, di lqedd anect n tdebbuzt, acekkuḥ-ines am yilis n taḍuṭ ccib ur yezgil anẓad deg uqarru-ines. Allen-is am tezrureq, akken ireqqent . aɣfal werǧǧin teɣfil, tezga tuki am yiḍ a mass. Ma d ɛaggu werǧin tefki mayna. Ma yella d tazmert –ines Llah ibarek werǧin tessin amejjay, d nettat i yettlawin iman-is s yiman-is. S yemɣan yecban mejjir, merruyet, amagraman arnu-yas ɣer zzit uzemmur. ɣur-s zzit uzemmurt i tuččit d wedhan. Xas ulamma aqlaɣ di tallit tatrat anda ugten tawilat yessishilen tudert ɣef wemdan, lamaɛna nettat ur d-teclig deg waccema.
Mazal-it kan di tidak n zik-nni.
Arraw-is di geddac yid-sen. Labas akk fell-asen, sɛan merra imeḍqan n lxedma. Akken ma llan zedɣen di temdint. Ma yella d nettat testmenyaf taddart ɣef temdint. Arraw-is werǧǧin semḥen di yemma-tsen deg wussan n imuras d wussan d leɛwacer rezzun-d fell-as, yettaččar-d fell-as wexxam. Sekra-tt ixuṣṣen ad as-t-id-hiyyin. Yall mi ara d-arzun fell-as nettat tefreḥ tesefririḥ, ɣur-s amzun d tameɣra. Tettheyyi-asen-d imensi. Imensi d seksu tikwal s uyaẓid, tikwal s wewtul, tikwal tezzellu-asen ixef, wicqa temlal tasa d way turew.
Nnwal n yemma Daɛda d aẓidan yesɛa lbena win t-yeččan ad yecfu fell-as, am akken neqqar ad tɣeẓẓeḍ iḍudan –ik.
Deffir imensi d tamɛayt. Timucuha n yemma Daɛda ḥemleɣ ad-asent sleɣ, nekni s warrac imejṭaḥ arraw n warraw-is nettraǧǧu s ccuq. Tikwal llant tmucuha ur tettfakka ara deg yiwen yiḍ. Mi iɣ-twala nennuddum ad aɣ-d-tini ruḥet ad teṭsem azekka ad awen-tt-id-fakkeɣ.
Baba d Yemma tessewhem-iten lbenna n tgella n yemma Daɛda.
-anda bɣuɣ ččiɣ seksu mačči am win d-tettnawal yemma Daɛda.
-wissen ahat iyuẓaḍ, nekni tettaɣ-d iyuẓaḍ n trisiti, ma yella d nettat, d nettat-iten yettrebbin, ur d-yeɛdil ara uyaẓiḍ d yekren di tebḥirin d uyaẓiḍ n trisiti.
Mi nekker a d-nuɣal ɣer temdint, yemma Daɛda tefka-yaɣ-d tayaẓiṭ negla-d-yes.
Sellazekka-inn a tekker yemma a d-niwel seksu s tyaẓiṭ-nni n yemma. Daɛda
Iraggen sefraḥen si lbaɛd win iten-id-yesraḥen ad yesqeḍ. seksu yewwa imensi yers-d yekkes-as baba aɣummu i teccuyt yeɛreḍ-it baba. Yedḥer-iyi ihuz aqarru-ines zelmeḍ yelha igarrez lamɛna mačči am winna n yemma Daɛda.
Yiweḍ -d umalas wayeḍ nuɣal nerza-d ɣer yemma Daɛda, tessaw-aɣ-id seksu d aẓida ackit.
-amek d yeffeɣ seksu-nni ?
-yelha igarrez lamaɛna mačči am winna d-tettnawaleḍ kem a yemma Daɛda
Ahat d lxeḍra nekni nettaɣ-itt-id seg ssuq, deg-s aṭas n isufar n takrura, wamma lxeḍra n yemma Daɛda tettekkes-is-id si tebḥirt-ines, ur teɛdil ara lxeḍra n tebḥirt d tin n ssuq.
mi nekker ad nuɣal negla s uḍellaɛ n lxeḍra si tebḥirt n yemma Daɛda. seksu yewwa imensi yers-d
Iraggen sefraḥen si lbaɛd win iten-id-yesraḥen ad yesqeḍ. yekkes-as baba aɣummu i teccuyt yeɛreḍ-it baba. Yedḥer-iyi ihuz aqarru-ines zelmeḍ yelha igarrez lamɛna mačči am winna n yemma Daɛda.
Yezzi-d umalas nuɣal-d ɣer yemma Daɛda.
-Amek d-yeffeɣ seksu-nni ?
-yelha igarrez, lamaɛna mačči am winna d-tettnawaleḍ kem a yemma Daɛda.
-ahat d aman yemma Daɛda d aman n tala wamma nekni d aman usariǧ, ur d-ɛdilen waman usariǧ d waman n tala.
Mi nekker a d-nuɣal neččur-d asagem n waman seg tala.
Mi d-niweḍ tekker yemma tennawel seksu s waman n tala.
seksu yewwa imensi yers-d
Iraggen sefraḥen si lbaɛd win iten-id-yesraḥen ad yesqeḍ. yekkes-as baba aɣummu i teccuyt yeɛreḍ-it . Yedḥer-iyi ihuz aqarru-ines zelmeḍ yelha igarrez lamɛna mačči am winna d-nettanawal yemma Daɛda.
Yezzid umalas nuɣal-d ɣer yemma Daɛda.
-amek d-yeffeɣ seksu-nni ?
-yelha igarrez lamaɛna mačči am winna d-tettnawaleḍ kemm a yemma Daɛda
-ahat d seksu , nekni nettaɣ-d seksu n tmacint, ma d yemma Daɛda d nettat i tfettel-it s ufus-is.
Mi nekker a d-nruḥ negla –yid-neɣ s seksu teftel yemma Daɛda.
Sella zekka-yinna tekker yemma tenwel-d seksu n teftel Daɛda,
seksu yewwa imensi yers-d
Iraggen sefraḥen si lbaɛd win iten-id-yesraḥen ad yesqeḍ. yekkes-as baba aɣummu i teccuyt yeɛreḍ-it . Yedḥer-iyi ihuz aqarru-ines zelmeḍ yelha igarrez lamɛna mačči am winna n yemma Daɛda.
Yezzi-d umalas nuɣal-d ɣer yemma Daɛda.
Yezzid-d umalas wayeḍ nuɣal-d ɣer yemma Daɛda.
-amek d-yeffeɣ seksu-nni ?
-yelha igarrez lamaɛna mačči am winna d-tettnawaleḍ kemm a yemma Daɛda.
-ahat d isɣaren yemma, Daɛda tessewway ɣef yesɣaren nekni nessewway ɣef lgaz. Ur d-teɛdil ara tgella yewwan ɣef yesɣaren d tin yewwan ɣef lgaz.
Mi nekker a d-nuɣal negla s yesɣaren yid-neɣ.
Selazekka-yinna tekker yemma tnawel-d seksu tessew-it ɣef yesɣaren d-newwi sɣur yemma Daɛda.
seksu yewwa imensi yers-d
Iraggen sefraḥen si lbaɛd win iten-id-yesraḥen ad yesqeḍ. yekkes-as baba aɣummu i teccuyt yeɛreḍ-it . Yedḥer-iyi ihuz aqarru-ines zelmeḍ yelha igarrez lamɛna mačči am winna n yemma Daɛda.
Yezzi-d umalas nuɣal-d ɣer yemma Daɛda.
-amek d-yeffeɣ seksu-nni ?
-Yelha igarrez, lamɛna mačči am win d-tettnawaleḍ kemm a yemma Daɛda.
Nuɣal negzem-itt di rray akken a d-neglu yidneɣ s yemma Daɛda. Akken i teḍra niwi-d yemma Daɛda yid-neɣ. Terna tegla-d yid-s isufar id-as ilaqen.
seksu yewwa imensi yers-d
Iraggen sefraḥen si lbaɛd win iten-id-yesraḥen ad yesqeḍ. yekkes-as baba aɣummu i teccuyt yeɛreḍ-it . Yedḥer-iyi ihuz aqarru-ines zelmeḍ yelha igarrez lamɛna mačči am winna d-tettnawal yemma Daɛda di taddart.
teṭarḍeq yemma Daɛda s teḍsa.
-d acu akka –ikem-id yesseḍsen a yemma Daɛda ? ini-yaɣ-d akke ad neḍs-yidem.
-ad-awen-iniɣ « win yebɣan seksu ẓiden bninen ad n-yali ɣur-i ɣer taddart »
Tasuqelt n « Jean-Pierre chabol la soupe de la mamée »
Sɣur Yusef Ɛacuri
Un commentaire
Tanemmirt a Dda Yusef
mmm bnin seksu n yemma Daɛda akken i bnint yakk seksu neɣ lqut n tiyemmatin akk, akken yebɣu yili lqut nniḍen.