Tamurt n lezzayer ger tmura timerkantiyin s ugerruj n lpitrul d lgaz. Dacu kan, taggara‑agi, azal n tbettit n lpitrul iṣubb nezzeh, d acu i yeǧǧan tadrimt i d‑ikeccmen seg lpitrul‑agi tenqes d ayen kan.
Aɣbel mačči d wa, aɣbel n tidet d liḥala i si d-yegla uṣubbu-agi n ssuma n lpitrul: banen‑d leɛyub n tmurt merra, lɛib idergen yessuli-t-id uɣenja n ẓẓmik. Yennulfa-d ziɣenni, teqres si yal tama, ur tris lḥala ɣef wayen iṣeḥḥan, akken d-qqaren. anda nerra naf liḥala teɛfen.
Deg teswiɛt, tenxuxel liḥala, ulin yakk wazalen n tuččiwin d isufar yeḥwaǧ uẓawali, bdan-d imennuɣen d temɛuyar ger imassayen, wa yettcellil i wa. D tagi i d tidet i ttwalin taggara‑agi yakk yezzayriyen.
Lemmer a d‑nuɣal ɣer tidet, deg teswiɛin n ẓẓmik yecban tigi, i d-ttbanen yergazen n ṣṣeḥ, wid iferrun timsal, wid yettextirin leryuy iweqmen, wid ibeddlen tignatin; dagi i d-tettban leḥdaqa n wemdan, mačči di teswiɛt n listeɛ; anda i ttsuffun yakk medden leḥnak-nsen
Acḥal iseggasen uṣerref n yedrimen, acḥal n lḥukumat yezrin ladɣa tineggura-agi, qqaren-d yakk nexdem aya d waya, taggara‑ines, d ayen yellan zdat-neɣ, imelyaren ttwaserrfen agmuḍ ulac, yuder lpitrul s kra idularen, tenneqlab teswiɛt fell-aɣ, tekker ddunnit ɣer laxer. Anda yella wayen txedmem akka, meqqar a t-naf assa?!, yak qqaren-as at zik: “xdem tafeḍ”!
Ziɣenni timmerkantit‑agi n lpitrul tuɣal-aɣ d tawaɣit, ulay d-nesfaydi seg-s. Ur zriɣ melmi ara tfak temɛayt‑agi. Ahat alamma kkawen lebyur n lpitrul!
A tawaɣit nniḍen, mazal lebyur n lgaz n weẓru!
A d-yefk Rebbi tiwuɣa deg waydeg yella leṣlaḥ.
Un commentaire
d tidet a gma Meqqran. ar melmi ara neg azal i wemdan macci i cci? amdan yugar lpitrul umi gan ccan, me3na winna ur yettnuz ara di ssuq, ur sen-yettaccar ara lejyub d u3ebbud. d akal kan ara sen-yeccaren a3ebbud-nsen wigi i yettsewwiqen akka.